अडकलेल्या अंतराळवीरांना धर्तीवर आणण्यासाठी नासाचे अतोनात प्रयत्न चालू…
सविस्तर वृत्त : नासा ने दिलेल्या माहिती नुसार भारतीय वंशाच्या अंतराळवीर सुनिता विल्यम्स ही अवकाशात अडकली आहे. त्यांना धर्तीवर आणण्याचा प्रयत्न चालू आहे २०२५ पर्यंत ही मोहीम यशस्वी होईल या बाबत नासाने मोठा खुलासा केला आहे.
भारतीय वंशाची अंतराळवीर सुनिता विल्यम्स आणि बॅरी विल्मोर हे दोघे ही ८ दिवसांच्या असलेल्या मोहिमेसाठी अंतराळात गेले असता, आता ह्या मोहिमेला २ महिने होत आले आहे तरी ही मोहीम संपुष्टात आलेली नाही. ह्या मोहिमे अंतर्गत सुनिता विल्यम्स आणि बॅरी विल्मोर अंतराळात अडकले आहेत.
नासाने दिलेल्या माहिती नुसार त्या दोघांनाही दीर्घकाळ अंतराळात राहावे लागू शकते. या दोन्ही अंतराळवीरांना परत धर्तीवर आणण्यासाठी प्रयत्न सुरु आहेत. पण नासाला अजूनही यश आलेले नाही. पण आता असा खुलासा झाला आहे की, त्यांना धरतीवर येण्यासाठी प्रतीक्षा करावी लागणार आहे. सुनीता विल्यम्स आणि बॅरी विल्मोर हे सध्या आंतरराष्ट्रीय अंतराळ स्थानकात (ISS) येथे उपस्थित आहेत.
एकंदरीत त्यांच्या धर्तीवर येण्याच्या विलंबामागे बोईंग स्टारलाइनरमधील बिघाड हे कारण आहे. आणि त्यामुळे दोघेही अंतराळात अडकले आहेत. आता अमेरिकन अंतराळ संस्था नासाने म्हटले की, बोइंग स्टारलाइनरवर गेलेल्या अंतराळवीरांना परत आणण्याचे नियोजन करताना सर्व पर्यायांचा विचार करण्यात आला आहे.
बोईंग स्टारलाइनर या अंतराळयानातून सुनीता विल्यम्स आणि बॅरी विल्मोर हे 5 जून रोजी आंतरराष्ट्रीय अंतराळ स्थानकावर (ISS) गेले होते. आठ दिवसासाठी ही मोहीम होती. पण हेलियम गळती आणि थ्रस्टरच्या खराबीमुळे ते धरतीवर परत येऊ शकलेले नाहीत. बोइंग स्टारलाइनरचे हे पहिले उड्डाण होते. सुनीता विल्यम्स आणि बॅरी विल्मोर दोन महिन्यांपासून अंतराळात अडकले आहेत.
कमर्शियल क्रू प्रोग्रामचे व्यवस्थापक स्टीव्ह स्टिच म्हणाले की, स्टारलाइनर स्पेसक्राफ्टद्वारे विल्मोर आणि सुनिता यांना परत आणण्याची नासाची जबाबदारी आहे. त्यासाठी सर्व पर्याय खुले आहेत. त्यासाठी आम्ही नियोजन केले आहे.
स्टीव्ह स्टिच यांनी असेही सांगितले की, नासा एलोन मस्कची कंपनी स्पेसएक्ससोबत काम करत आहे. आम्ही SpaceX सोबत काम करू इच्छितो जेणेकरून ते क्रू 9 ला प्रतिसाद देण्यासाठी तयार आहेत. आवश्यक असल्यास, बॅरी विल्मोर आणि सुनीता विल्यम्स यांना क्रू 9 मध्ये परत केले जाईल. यापूर्वी, नासाने SpaceX क्रू 9 मोहिमेत विलंब झाल्याची घोषणा केली आणि सांगितले की त्याचे प्रक्षेपण 25 सप्टेंबरपर्यंत पुढे ढकलण्यात आले आहे. हे मिशन याच महिन्यात म्हणजे ऑगस्टमध्ये पाठवले जाणार होते. ते चार क्रू मेंबर्सना आंतरराष्ट्रीय अंतराळ स्थानकावर घेऊन जाईल. त्या फ्लाइटमध्ये फक्त दोन प्रवासी उड्डाण करतात आणि त्यानंतर आम्ही फेब्रुवारी 2025 मध्ये चार क्रू सदस्यांना पृथ्वीवर परत आणू शकतो. हे दोन अंतराळवीर विल्मोर आणि सुनीता विल्यम्स असतील. अंतराळातील आणि जमिनीवरील अभियंते समस्येचे निराकरण करण्यासाठी आणि अंतराळवीरांच्या सुरक्षित परतीची खात्री करण्यासाठी कठोर परिश्रम करत आहेत.
